“Izraelin e kemi aty ku ne duam.” Kështu është shprehur udhëheqësi i Hamasit, Yahya Sinwar. Një raport konfidencial i medias amerikane Wall Street Journal, citon liderin e grupimit militant të Hamasit, se vdekja e civilëve palestinezë është një sakrificë e nevojshme. “Konflikti ynë i ngjan atij të Algjerisë“, theksoi Sinwar.

Udhëheqësi ushtarak i Hamasit beson se ka fituar mbi Izraelin dhe se numri spirale i vdekjeve të civilëve në Gaza do të funksiononte në favor të grupit militant, citon Wall Street Journal.

Vendndodhja e Sinwar nuk dihet, por supozohet se ai fshihet thellë nën tokë në sistemin labirint të tunelit të Hamasit poshtë Gazës. Mesazhet e raportuara nga WSJ ofrojnë një vështrim të rrallë në mendjen e njeriut që drejton mendimin e Hamasit për luftën dhe sugjerojnë një vendosmëri të pakompromis për të vazhduar luftën, pavarësisht nga kostoja njerëzore.

Në një shkëmbim mesazhi të publikuar nga Wall Street Journal thekson faktin se, lideri i Hamaist u bën thirrje udhëheqëse politik të Hamasit të mos bënin lëshime dhe në vend të kësaj të shtynin për një fund të përhershëm të luftës, duke shtuar se viktimat e larta civile do të rrisin presionin global mbi Izraelin për të ndalur konfliktin.

Duke komentuar raportin e WSJ, Forcat e Mbrojtjes të Izraelit thanë në X se “Sinwar përfiton nga vdekjet e civilëve të Gazës, duke i quajtur ato ‘sakrifica të nevojshme’ në mënyrë që të nxisin presionin ndërkombëtar mbi përpjekjet e Izraelit për të eliminuar organizatën terroriste“.

Komentet e supozuara të Sinwar dolën kur Sekretari i Shtetit i SHBA Antony Blinken ishte në një turne tjetër nëpër Lindjen e Mesme për të shtyrë të gjitha palët të binin dakord për propozimin e fundit.

Duke folur nga Tel Avivi, Blinken e bëri të qartë se SHBA beson se Sinwar është vendimmarrësi përfundimtar.