Ministri i Mbrojtjes së Serbisë dhe një prej njerëzve më besnik të Aleksandër Vuçiqit, Aleksandër Vulin, do të niset për një vizitë në Moskë javën e ardhshme.

Lidhur me këtë vizitë të Vulinit në Moskë, në një intervistë për “Zërin e Amerikës” ka folur ish-ambasadori amerikan, Michael Kirby.

Kirby ka thënë se Vulini gjithmonë ka qenë i orientuar kah Moska dhe jo drejt Brukselit.

“Nëse ai do të shkonte në një destinacion evropian nga Beogradi, duket se Moska është vendi i parë që do të shkonte zakonisht. Me këtë në mendje, mendoj se Serbia duhet të merret me atë që mendon se do të ndodhë në Ukrainë, sepse narrativa aktuale që del nga Beogradi është shumë pro-ruse”, ka thënë Kirby për “Zërin e Amerikës” kur është pyetur nëse sheh lidhje mes dialogut të Brukselit dhe udhëtimit të Vulin në Moskë.