Presidenti serb Aleksandar Vuçiq ka thënë se marrëveshja e fundit me kryeministrin e Kosovës, Albin Kurti, nuk nënkupton njohje.

Ai tha se nuk bëhet fjalë as për anëtarësimin e Kosovës në OKB dhe organizata të tjera ndërkombëtare.

“Që të mos ketë interpretime korruptive dhe të rreme, nuk kam fare frikë të them saktësisht të njëjtën gjë në fytyrën e të gjithëve – për Serbinë nuk bëhet fjalë për njohjen e të ashtuquajturës Kosovë, për anëtarësimin e të ashtuquajturës Kosovë në Kombet e Bashkuara, organizata, institucione dhe agjencitë e OKB-së. Pikë”, shkroi Vuçiqi.