Presidenti i Serbisë, Aleksandër Vuçiq, ka thënë se Shtetet e Bashkuara të Amerikës (ShBA) mund t’u sugjerojnë partnerëve të tyre evropianë se progresi në Ballkanin Perëndimor në fushën e integrimit evropian është i nevojshëm.

Këtë deklaratë, Vuçiqi e ka bërë gjatë një takimi që ka pasur me ambasadorin e ShBA në Beograd, Anthony Godfrey, raporton “Tanjug”.

“Reforma e shoqërive tona është një qëllim në vetvete, por rezultati gjithashtu duhet të jetë i njohur dhe i qartë”, ka thënë Vuçiqi, njofton zyra e tij.