Presidenti i Serbisë, Aleksandër Vuçiq, ka thënë se do të ofrojë një zgjidhje për Kosovën nëse do të gjendet një e tillë.

Sipas Vuçiqit për çdo propozim të tij do të deklarohet edhe populli.

“Për tango duhen dy persona, jo çdo gjë varet nga ne, do të punojë e luftojë çdo ditë për të gjetur një lloj zgjidhje kompromisi. Nëse e gjej, do t’ia ofrojë popullit, le ta thotë populli nëse e duan apo jo, dhe ata do të jenë gjyqtarë të lartë”, ka thënë ai, duke komentuar deklaratën e kreut të PSG-së, Sasa Jankoviq se Vuçiqi po i ik pyetjeve dhe ligjit.