Presidenti i Serbisë, Aleksandar Vuçiq, ka thënë se “mund të ketë planifikuar të zëvendësojë drejtorin e Agjencisë për Siguri dhe Informim, Aleksandar Vulin”, por që tani, siç ka thënë ai, i është vazhduar mandati.

“Epo, meqë nuk do të emërohet, i kanë zgjatur jetën”. Ndoshta kam planifikuar ta zëvendësoj dhe tani nuk mund ta zëvendësoj pasi e morën vesh”, ka thënë Vuçiq në “Hit Tweet” në TV Pink, duke komentuar mediat që shkruajnë për zëvendësimin e mundshëm të Vulin.

“Marko Gjuriq në BIA? Oh, as që kam menduar për këtë. Nuk kam menduar kurrë në jetën time për Marko Gjuriqin në BIA, ja Vulin, ia zgjatën mandatin”, shtoi ai.

Vuçiq po ashtu ka thënë se Vulin është paraqitur në eventin e organizuar nga ambasada amerikane me rastin e përvjetorit të operacionit Hilliard, sepse ishte i ftuar.

“Ata e thirrën dhe ai u shfaq. Nuk shkon njeriu pa ftesë, kush e ka thirrur aty, nuk e kam idenë dhe nuk më intereson”, ka thënë Vuçiq.

Kujtojmë se së fundmi gazeta “Danas” njoftoi se Aleksandar Vulin së shpejti do të shkarkohet nga posti i drejtorit të BIA-s. Asokohe u raportua se drejtori i ri do të jetë dikush nga SNS, ndërsa zëvendësi i tij nga radhët e socialistëve.

“Në qarqet sociale po flitet shumë se në Agjencinë e Sigurisë dhe Informimit do të zërë vendin Marko Gjuriq”, ka thënë më herët gazeta “Danas”.

Ndryshe, edhe deputeti i partisë Zajedno në Kuvendin e Serbisë, Gjorgje Miketiq, gjatë një paraqitjeje të ftuar në emisionin “Među nama” në TV Nova ka deklaruar se ka informacione se Vulin do ta shkarkohet dhe se po “përgatitet për postin e ambasadorit në Rusi”.

Po ashtu, Gjorgje Miketiq dje ka publikuar një fotografi të Aleksandar Vulin nga manifestimi i organizuar nga Ambasada Amerikane me një koment – ​​duke lutur për falje, duke pasur parasysh se Vulin është nën sanksionet amerikane.

“Vulin po shkon nga posti i kreut të BIA-s në Moskë si ambasador. Do të jetë mirë për të, opozita burgoset dhe likuidohet sipas nevojës, OJQ-të ndalohen, qytetarët vishen me uniforma dhe dërgohen në luftëra imperialiste. Marko Gjuriq do të kryesojë BIA-n me Ivica Tonçev si zëvendës dhe kontrollor”, shkruante në atë kohë Miketiç.