Vushtrriasi kërkon nga qeveria t’ia mundësojë ta bëjë mbiemrin ‘Çaji’
Adnan Ademi nga Vushtrria, i njohur në publik si “Adnan Çaji” pas deklaratës së tij disa vjet më parë se i pi 70 çaja në ditë, ka kërkuar nga qeveria t’ia mundësojë ta bëjë mbiemrin “Çaji”.
Në një intervistë në “Klan Kosova”, Ademi ka thënë se nuk është dëshirë e tij e madhe të ndryshojë mbiemrin pasi Ademi i pëlqen, por për shkak të popullit dhe fëmijëve që e identifikojnë si “Adnan Çaji”.
“Kisha pas qef të më ndihmojë qeveria ta bëj mbiemrin ‘Çaji’”, ka thënë ai.
Ndër të tjera, Ademi ka thënë se që 13 vjet është konsumues i rregullt i çajit dhe se 3-4 herë në ditë e përvëlon atë në shtëpi.
“Gjithçka është për mua çaji. Ky më bëri ky që jam sot”, ka thënë Ademi.
Nëse nuk e dini, vushtrriasi punon me gjelbërim dhe zbukuron kopshte, madje ai ka treguar në emisionin e mëngjesit se ndihmon nevojtarët, por nuk i bën publike.
“Qysh më ka ndihmuar mua dikush edhe unë tash i ndihmoj. Kushdo që ka nevojë mund të ma japë numrin e telefonit dhe gjithmonë jam i gatshëm, çdo herë, pa marrë parasysh ku”, është shprehur Ademi.