West Ham United e ka refuzuar ofertën e Manchester Cityt në vlerë prej 101 milionë euro për Lucas Paquetan.

West Hami po kërkon 110 milionë euro për mesfushorin brazilian. Në verën e kaluar klubi anglez i pagoi Lyonit 43 milionë euro për ish-anëtarin e Milanit, derisa tash Pep Guardiola po e kërkon me ngulëm për të pasur nën urdhrat e tij.

Distanca mes ofertës së Cityt dhe pretendimeve të West Hamit nuk është e madhe dhe pritet që të këtë një finalizim të marrëveshjes. Paqueta është pjesë e rregullt e kombëtares së Brazilit. Ai numëron 42 ndeshje dhe 9 gola me 5 herë kampionët e botës.