Julen Lopetegu është shkarkuar nga pozita e trajnerit të West Ham United. Lajmin e ka konfirmuar skuadra angleze, përmes një komunikate zyrtare.

“West Ham United mund të konfirmojë se trajneri Julen Lopetegui është larguar sot nga klubi. Gjysma e parë e sezonit 2024/25 nuk ka qenë në përputhje me ambiciet e Klubit dhe për këtë arsye Klubi ka ndërmarrë veprime në përputhje me objektivat e tij”, thuhet në njoftim.

Së bashku me Julen Lopetegui janë larguar edhe ndihmës-trajneri Pablo Sanz, shefi i performancës Oscar Caro, kryeanalisti Juan Vicente Peinado, trajneri i fitnesit Borja De Alba dhe trajneri teknik Edu Rubio.

West Ham ka njoftuar gjithashtu se janë duke punuar për të emëruar trajnerin e ri.