Kompania “WhatsApp” ka sfiduar kompanitë “Zoom” dhe “Skype” duke realizuar telefonata dhe video thirrje të disponueshme edhe në versionin për kompjuterët, në një periudhë në të cilën ka pasur një bum thirrjesh për shkak të pandemisë Covid-19.

Funksioni është aktiv për bisedat, por në të ardhmen do të shtrihet në grupe.

“Në vitin e fundit kemi parë një rritje të fortë të thirrjeve në WhatsApp, shpesh edhe për biseda të gjata. Në 31 dhjetorin e kaluar kemi regjistruar rekordin për numrin më të madh të thirrjeve të bëra në një ditë me 1.4 miliardë e thirrjeve zanore dhe video. Meqenëse shumë njerëz janë ende larg të dashurve dhe shumë po përshtaten me mënyra të reja të punës në distancë, ne duam që bisedat në  WhatsApp të jenë sa më efikase pa marrë parasysh se çfarë pajisje ka përdorur ose vendin ku je”, është thënë në njoftim zyrtar të kompanisë.