Deontay Wilder është pajtuar për të dueluar me Anthony Joshuan në Britaninë e Madhe, në një duel që do t’i unifikojë titujt kampionë bote në peshën e rëndë.

“Lajm i rëndësishëm për të gjithë fansat e Joshuas, oferta 50 milionë dollarë për të dueluar në Amerikë është ende e vlefshme. Kemi rënë dakord me ofertën e tyre për të dueluar me Joshuan në Britaninë e Madhe. Nëse ai preferon Anglinë që të dueloj aty, tashmë ka topin në fushën e tij. Është radha e dytë për të zgjedhur”, ka thënë Wilder.