Ish-ambasadori i OSBE-së,  William Walker, ka vizituar të premten Partinë Socialdemokrate (PSD).

Lajmin e ka bërë me dije kryetari i PSD-së, Dardan Molliqaj me anë të një postimi në “Facebook”.

“Përkundër luftës, paqja, përkundër tmerrit, perspektiva. Ky ishte vizioni që përfaqësonte Ambasadori William Walker. Këtë nevojë kemi edhe sot, në rrethanën politike qe ndodhemi.

Ambasadori Walker mbetet figurë e rëndësishme për të vërtetën e luftës në Kosovë. Ai ishte dëshmitar i masakrës së Reçakut, por edhe zëri që depërtoi përtej kufirit Ballkanik dhe iu dha zë viktimave që nuk ishin më. Të nderuar me vizitën e tij në Partinë Socialdemokrate”, ka shkruar Molliqaj.