Ish-komandanti i UÇK-së, Shukri Buja, na flet për një pjesë të rëndësishme të jetës së tij siç është aktivizimi në politikë.

I njëjti konfirmon në intervistë për “Gazeta Blic” se do të jetë kandidat i PDK-së për kryetar të komunës së Lipjanit.

Ai thotë se ka filluar organizimin dhe se e ka mbështetjen e lidershipit të PDK-së.

“Unë fillimisht kam dashur të pauzoj, të bëj një jetë të rehatshme, jo politike. Por për shkak të aktiviteteve politike, rrezikshmërisë së politikë e cila po udhëhiqet sot në Kosovë, unë kam filluar edhe angazhimin. E njoh drejtpërdrejtë, Bedri Hamzën, dhe punën e tij dhe shpeherë e përdor si argument se, ‘Bedriun duhet t’a përkrahin edhe partite e tjera politike’ e në veçanti qytetarët sepse është I vetmi person në Kosovë që ke një shpresë që do ta nxjerr Kosovën nga kjo amulli politike dhe ekonomike që është futur vendi. Do të rikuperojë raportet me aleatë tanë që na kanë ndihmuar në periudhën e luftës dhe të pas-luftës dhe shtetndertim…..

“Po, realisht unë kam filluar organizimin edhe për zgjedhjet parlamentare duke forcuar strukturën e Partisë Demokratike në veçanti në degën e Lipjanit në mënyrë që t’a sfidoj pushtetin e LDK-së në Lipjan I cili nuk pas sfidues serioz. Unë jam rikthyer për t’u kandiduar në zgjedhjet lokale për kryetar komune, kam përkrahjen e lidershipit të Partisë Demokratike” tha Buja në intervistën e dhënë për “Gazeta Blic”.