Barcelona fitoi ndaj Osasunës me rezultat 2-0 dhe u kualifikua në finale të Superkupës.

Trajneri Xavi Hernandez ëshgtë shprehur i kënaqur me suksesin e arritur, derisa për finale ka thënë se ato nuk luhen, por fiton.

“Jemi të kënaqur për fitoren dhe vendin në finale. Ndeshja shkoi ashtu siç e kishim parashikuar. Ishte e vështirë të gjeje hapësira sepse ata mbylleshin shumë mirë, në mes kishte shumë pak hapësirë si dhe kishim nevojë për më shumë lëvizshmëri dhe kreativitet. Mendoj se ndryshimet na kanë ndihmuar për këtë, po. Në pjesën e dytë kemi dominuar dhe kemi shënuar dy herë”, ka thënë Xavi.

“Finalet nuk luhen, finalet fitohen. Jemi të bindur se na pret një takim shumë i fortë nga ajo çfarë pashë Realin në derbi. Kur flasim për ‘klasiken’ është e pamundur të thuash nëse është njëri apo tjetri favorit”, ka deklaruar Xavi.