Trajneri i Barcelonës, Xavi Hernandez ka thënë se fitoreja ndaj Real Sociedad (0-1), ishte shumë e rëndësishme.

“Jam i kënaqur me tre pikët, është një fitore jetike për të ardhmen e skuadrës dhe klubit. Nuk jam i kënaqur me lojën. Ne vuajtëm në pjesën e dytë. Duhet të jemi të sinqertë dhe vetëkritikë. Nuk kemi luajtur mirë dhe duhet të përmirësohemi”, ka thënë Xavi.

Real Sociedad u shkaktoi shumë probleme Blaugranëve, me Xavi që pretendoi se skuadra e tij vuante më shumë se në çdo ndeshje tjetër që kur mori drejtimin.

“Është ndeshja në të cilën ne kemi vuajtur më së shumti, së bashku me atë kundër Villarrealit. Ne vumë re lodhjen tonë”, ka deklaruar Xavi.