Trajneri i Barcelonës, Xavi Hernandez nuk e ka fshehur kënaqësinë për suksesin e pastër kundër Cadizit që e ka kthyer ekipin e tij përsëri tetë pikë nga Reali ndjekës.

Xavi ka thënë se suksesi ishte i merituar, me Barçën që nuk e diskutoi për asnjë moment fitoren.

“Mendoj se ishte një fitore e merituar, e kemi dominuar tërësisht takimin. Dy golat e shënuar në fundin e pjesës së parë na kanë ndihmuar. Më pas në pjesën e dytë jemi munduar të administrojmë rezultatin. Cadizi është mbrojtur me shumë forca dhe ka qenë e vështirë. Megjithatë, kemi treguar se jemi në gjendje të çajmë edhe mbrojtje të tilla. Kemi kthyer përsëri diferencën me Realin e Madridit dhe tani duhet të nisim të mendojmë për Ligën e Evropës”, ka thënë Xavi.