Kandidat i LDK-së për kryetar të Vushtrrisë, Xhafer Tahiri, ka pranuar humbjen.

Në profilin e tij në “Facebook”, ai i ka uruar fitoren  kandidatit të PDK-së, Ferit Idrizi.

Postimi i plotë i Tahirit:

Të dashur qytetarë të Vushtrrisë,

Në liri e demokraci, zgjedhjet janë festë, ju me votën tuaj sot i dhatë besimin kundërkandidatit tim z. Ferit Idrizi.

Ky është vullneti i shumicës së qytetarëve të Vushtrrisë, e unë dhe LDK e respektojmë në plotni vullnetin qytetarë, prandaj më lejoni të uroj z. Ferit Idrizin për fitore në Vushtrri.

Të dashur votues të LDK, e qytetarë të Vushtrrisë faleminderit për besimin tuaj.

E kam pasur nderin e privilegjin më të madh të ju shërbejë me nderë e përkushtim në Vushtrrinë tonë.

Shihemi në beteja të reja politike.

Me respekt,

Xhafer Tahiri