![](https://www.epokaere.com/wp-content/uploads/2022/09/xhafer-tahiri.jpg)
Xhafer Tahiri: Qytetarët çdo ditë po e humbin besimin në këtë qeveri
Anëtari i Kryesisë së LDK-së, Xhafer Tahiri, ka thënë se qytetarët e Kosovë çdo ditë po e humbin besimin në këtë qeveri.
“Rezultatet e fundit të sondazhit të UBO-së nuk janë befasuese duke pasur parasysh se sa dështime kemi parë nga pushteti i Kurtit. Ka paaftësi në çdo sektor, ka regres në çdo fushë: në ekonomi, energji, vende pune, infrastrukturë, investime, shëndetësi. Ai do të vazhdojë të bjerë, por ajo që është pozitive është se qytetarët e njohin alternativën dhe ajo është LDK-ja, e vetmja parti që po rritet vazhdimisht në sondazhe”, ka shkruar ai në “Facebook”.
Tahiri ka theksuar se janë të lumtur ta shohin këtë rritje të përkrahjes qytetare për LDK-në.
“Kjo na jep edhe më shumë përgjegjësi për të bërë më mirë, për të qenë më afër qytetarëve dhe për të dhënë zgjidhje për problemet e çdo ditshme të tyre. Zgjedhjet e radhës, kurdo që ato vijnë, do të prodhojnë ndryshime të mëdha e të njëmendta sepse kjo i duhet Kosovës dhe popullit tonë”, ka shkruar Tahiri.