Taulant Xhakës i ka kushtuar shtrenjtë veprimi josportiv që e bëri në fundjavë në derbin mes Baselit dhe Zurichut. Futbollisti kosovar u ndëshkua me karton të kuq pasi e goditi me kokë në gjoks lojtarin kundërshtar në “stilin Zidane”.

E me këtë rast, të hënën përfaqësuesi shqiptar e mori një dënim të rëndë nga Federata Zvicerane e Futbollit duke u dënuar me tetë ndeshje. Atij nuk i mjaftoi kërkim falja për veprimin e bërë.