Granit Xhaka do të paraqitet në gjykatë për shkak të mosrespektimit të rregullave të komunikacionit.

Futbollisti nga Kosova akuzohet se nuk ju ka treguar policëve se kush po e ngiste makinën e tij kur ajo u kap në shpejtësi prej 80 kilometra në orë

Makinae tipit “Mercedes-AMG G63”, në vlerë prej më shumë se 150,000 eurosh u xhirua nga një kamerë shpejtësie në një zonë ku maksimumi i shpejtësisë së lejuar ishte 50 km/h.

Ky rast kishte ndodhur në Cardiff më 30 nëntor të vitit të kaluar. E kur u kontaktua nga Policia Jugore e Uellsit, përfaqësuesi zviceran kishte refuzuar të tregonte se kush po drejtonte makinën në atë rast. 29 vjeçari do të dalë para gjykatës në “Cardiff Magistrates’ Court” në muajin korrik me akuzën se nuk dha informata që lidhen me identifikimin e  drejtuesit të mjetit që u kap në shpejtësi të tejkaluar.

Mbetet të shihet se cili do të jetë dënimi që do ta marrë futbollisti, i cili është pjesë e Arsenalit që nga viti 2016, ku ishte transferuar nga Borussia Monchengladbachu.