Në ditët e fundit janë shtuar zërat për një largim të mundshëm të Granit Xhakës nga Arsenali. Futbollisti nga Kosova mund të rikthehet në Bundesligë për t’iu bashkuar Bayer Leverkusenit. Për këtë temë ka folur trajneri i “Gunners”, Mikel Arteta.

“Është e qartë se ai është një lojtar që ka luajtur në çdo minutë që prej se jam bërë trajner këtu. Graniti është një figurë jashtëzakonisht e respektuar në këtë klub. Ai e ka një histori të madhe përreth tij me ato që i ka arritur në klub, duke tejkaluar edhe momente të vështira. Kështu që, ai është një lojtar kyç dhe mjaft i rëndësishëm për ne. Çka do që të ndodhë, është diçka që do ta diskutojmë, natyrisht jo tash”, ka thënë Arteta.