Granit Xhaka është duke kërkuar seriozisht transferimi te AS Roma. Futbollisti nga Kosova thuhet se ka hequr dorë edhe nga bonuset vetëm që t’i bashkohet skuadrës nga kryeqyteti italian.

“La Gazzetta dello Sport” shkruan se 28-vjeçari ka rënë dakord me kushtet e ofruara nga Roma, teksa tani ka mbetur të arrihet një marrëveshje edhe mes klubeve.

Problemi i vetëm deri më tani raportohet të jetë çmimi. Romakët kanë ofruar 15 milionë euro, por londinezët janë duke kërkuar së paku 20 milionë. Nëse arrihet edhe një marrëveshje mes klubeve, atëherë Xhaka do të nënshkruaj kontratë katërvjeçare. Granit Xhaka te Roma do të fitonte 2.5 milionë euro në vit.