Kandidati për deputet i Partisë Demokratike të Kosovës (PDK), Ragip Xhaka është takuar me kryetarin e Prizrenit, Shaqir Totaj.

Xhaka ka thënë se me Totajn ka biseduar për fushatën zgjedhore dhe për fitoren që pritet ta shënojë PDK-ja në zgjedhjet e 9 shkurtit.

“Sot pata kënaqësinë të takohem me mikun tim të çmuar, Shaqir Totaj, Kryetarin e Komunës së Prizrenit. Takimi ishte shumë produktiv dhe i këndshëm, ku diskutuam për zhvillimet më të fundit në Prizren dhe për planet e ardhshme. Gjithashtu biseduam për fushatën zgjedhore dhe për fitoren që pritet ta ketë PDK në krye me kryeministrin Bedri Hamza”, ka shkruar Xhaka në “Facebook”.

Ragip Xhaka në listën e PDK-së për deputet garon me numrin 34.