Xhelal Sveçla publikon foto me Dodë Gjergjin, Osmanin e Tërnavën: Urime Krishtlindja, begati, mbarësi e shëndet
24 dhjetor 2023
| 19:47
Ministri i Brendshëm, Xhelal Sveçla ka publikuar një foto me ipeshkvin Dodë Gjergjin, presidenten Vjosa Osmani, kreun e BIK, Naim Tërnava dhe të tjerë ka uruar Krishtlindjet, duke uruar begati, mbarësi e shëndet, shkruan Reporteri.net.
Postimi i tij:
Urime Krishtlindja, begati, mbarësi e shëndet
Të gjithë besimtarëve të krishterë kudo që ndodhen ju uroj Festën e Krishtlindjes.
Krishtlindjet lartësojnë thirrjen për solidaritet, sakrificë, bashkim pa dallim, paqe e dashuri mes njerëzve. Përpjekjet për drejtësi, barazi e mirëqenie për secilin nuk duhet të ndalim asnjëherë.
Me ftesë nga Ipeshkvia e Kosovës, sonte festuam Krishtlindjen bashkë me Ipeshkvin Dodë Gjergji në Katedralen Shën Nënë Tereza. Nga këtu, urojmë për të gjithë besimtarët begati, mbarësi e shëndet.
Gëzuar e për shumë mot Krishtlindjen!
