Kryeparlamentarja e Shqipërisë, është pritur nga në Departamentin Amerikan të Shtetit nga Gabriel Escobar, Ndihmës Sekretar i Shtetit dhe i Dërguari Special për Ballkanin Perëndimor, ndërsa përveç Shqipërisë, kanë biseduar edhe për Kosovën, ndërsa është theksuar se ShBA është vendi më pro-kosovar në botë, të cilët janë të vendosur për ta mbrojtur pavarësinë e sovranitetin e saj, shkruan Gazeta Metro.

Nikolla bëri të ditur se në Departamentin Amerikan të Shtetit (DASh) ka biseduar edhe për Kosovën, ndërsa siç tha kryeparlamentarja shqiptare, Escobar ka theksuar se ShBA është vendi pro-kosovar në botë.

“SHBA, të cilën Escobar e cilësoi si vendi më prokosovar në botë, janë të vendosura për mbrojtjen e pavarësisë, sovranitetit, integritetit dhe sigurisë së Kosovës dhe pranimin e saj në organizatat ndërkombëtare”, ka shkruar Nikolla.

Ajo gjithashtu shtoi se ShBA e kanë dënuar sulmin e 24 shtatorit në Basnjskës, si akt terrorist.

Nikolla gjithashtu shtoi se ShBA po punojnë për njohjen e Kosovës nga pesë shtetet e BE që nuk e kanë njohur dhe po ndërtojnë një fushatë njohjesh globale.

“ShBA kanë dënuar aktin terrorist të 24 shtatorit dhe përgjegjësinë e Serbisë për këtë akt. Marrëveshja e Ohrit është një marrëveshje strategjike dhe duhet punuar për zbatimin e saj. ShBA mbështesin dialogun Kosovë-Serbi të lehtësuar nga BE, si e vetmja rrugë drejt paqes dhe sigurisë, dhe po punojnë për njohjen e saj edhe nga pesë shtetet e BE që nuk e kanë njohur dhe po ndërtojnë një fushatë njohjesh globale për Kosovën”, thotë Nikolla.

“Marrëdhëniet mes Shqipërisë dhe ShBA sot janë më të mira se asnjëherë. Partneriteti strategjik është konkretizuar në bashkëpunimin e shkëlqyer në KS të OKB dhe do të jetë i tillë edhe në KDNj. ShBA dëshirojnë ta kenë Shqipërinë partnere dhe mbështesin aplikimin e saj në sa më shumë organizata ndërkombëtare. ShBA mbështesin fuqimisht integrimin e Shqipërisë në BE, vlerësojnë arritjet e deritanishme dhe inkurajojnë thellimin e luftës kundër korrupsionit‘, shkruan Nikolla në Facebook.