![](https://www.epokaere.com/wp-content/uploads/2024/04/Kryetari-i-Aleances-per-Ardhmerine-e-Kosoves-Ramush-Haradinaj-1.jpg)
Haradinaj kujton pranverën e përgjakur të Rugovës e Podgurit 25 vjet më parë
21 prill 2024
| 15:44
Kryetari i Aleancës për Ardhmërinë e Kosovës, Ramush Haradinaj, ka kujtuar dëshmorët e Brigadës 136 “Rugova”, në 25-vjetorin e rënies së tyre.
Haradinaj tha se përpjekjet e tyre për të shpëtuar shokët e plagosur, si dhe heroizmi dhe sakrifica e tyre nuk do të harrohen kurrë.
“Përderisa Brigada 136 “Rugova”, po bënte përpjekjet titanike për shpëtimin e të plagosurve, atdheut i dha shumë dëshmorë”, shkroi ish-kryeministri në Facebook.
“Në 25-vjetorin e betejës heroike për shpëtimin e shokëve të plagosur, sot me bashkëluftëtarë nderuam dëshmorët e asaj pranvere të përgjakur në Rugovë e Podgur”.
“Heroizmi dhe sakrifica e tyre do të kujtohet ndër breza!”.