Gazeta prestigjioze britanike The Economist i ka kushtuar një artikull të tërë e mjaft pozitiv kryeministrit të Republikës së Shqipërisë, Edi Ramës. Çka thuhet aty?

Ky artikull është titulluar “Shqipëria s’është më një shaka e keqe ballkanike” (ang. Albania is no longer a bad Balkan joke”).

Aty tregohen sfidat me të cilat po përballet Shqipëria, por me një ton mjaft pozitiv për kryeministrin e Shqipërisë Ramën.

“Përgjatë pjesëve më të përgjumura e rebele të Evropës, Ballkani mund të ketë një dritë të re udhëheqëse. Ai është kryeministri i Shqipërisë, një 58-vejçar ish-basketbollist dhe artist modernist me emrin Edi Rama.” – thuhet në këtë artikull.

Aty tregohet se si z. Rama ka fituar bindshëm zgjedhjet e fundit në Shqipëri, dhe se si është lideri i vetëm në Ballkan që ka fituar katër mandate radhazi.

Dhe, siç mund të pritej aty flitet edhe për qasjen e Ramës në raport me Kosovën dhe Serbinë, ku i lihet edhe etiketa e një “ylli në Ballkan”.

“Sot ai mund të pretendojë të jetë një yll ballkanik, madje edhe një influencë qetësuese në një rajon ende të brishtë: dëshmitar i shqetësimeve në Kosovën fqinje, ku minoriteti serb ka protestuar kundër shumicës etnike shqiptare. Rama refuzon t’i inkurajojë kusherinjtë e tij, derisa i bën thirrje Perëndimit të merret me presidentin e Serbisë, Aleksandër Vuçiqin, në mënyrë sensitive.”

Më tej, në artikull citohet në mënyrë anonime edhe një ‘observues perëndimor’ derisa flet për Ramën.

“Një observues perëndimor e quan atë “të shkëlqyer, vizionar, eksentrik, egomaniak… dhe me një sens të fortë të trashëgimisë që do të lë në histori”.

Në përballje me kritikat ndaj Ramës, tregohen fjalët e këtij të fundit se ky e ka modeluar Partinë Laboriste të Britanisë në kohën e Tony Blairit.

“Korrupsioni endemik është ende një prej njollave më të mëdha në Shqipërinë e sotme. Të dyja partitë e mëdha konsideron përgjegjëse, në sytë e shumicës së shqiptarëve.” – vazhdon tutje.

Po ashtu, artikulli tregon se një problem shumë i madh i Edi Ramës është emigracioni.

Ndërkohë, cila do të ishte trashëgimia më e madhe e Ramës në politikë thuhet në pjesën vijuese – e që fatkeqësisht po e mundon rëndë edhe Kosovën:

“Por keqardhja e tij më serioze është mungesa e vijueshme e qytetarisë në politikën e shtetit të tij. Të gjitha palët pa dallim denoncojnë tjetrën si gangsterë, hajdutë, e bile edhe vrasës, që në disa raste është e vërtetë. Kjo, e pranon ai, vjen prej kohës së kobshme të Enver Hoxhës, kur mospajtimi më i vogël shpesh nënkuptonte dëbim, burgosje apo edhe ekzekutim. Nëse Shqipëria ndonjëherë bëhet demokraci liberale, kjo, e pranon z.. Rama, duhet të ndryshojë. Nëse kjo ndodh, do të ishte arritja e tij më e madhe. Ndoshta për një gjë të tillë duhet edhe një tjetër gjeneratë.”

Kujtojmë që sot Edi Rama njoftoi opinionin se e kishte dërguar te presidenti Macron e kancelari Scholz një draft të statutit të Asociacionit. Ai shprehu shqetësim të thellë për situatën në të cilën ndodhej Kosova.