Ylli i K-pop, Sulli është ndarë nga jeta në moshën 25-vjeçare.

Këngëtarja u gjet e vdekur nga menaxherja e saj brenda në banesë në Seul, Korenë e Jugut.

Policia po heton shkakun e vdekjes së Sullit.

Nuk përjashtohet mundësia që ka vrarë veten. Ylli korean, që ka më shumë se 5 milionë ndjekës në “Instagram”, ishte anëtare e grupit F(x) derisa u largua në vitin 2015 për t’u përqendruar në karrierën e saj në aktrim.

Sulli ishte shoqe e ngushtë e yllit të K-pop, Jonghyun që vrau veten në moshën 27-vjeçare në vitin 2017.