Ylli televiziv, Khloe Kardashian, ka ndarë me ndjekësit disa poza mjaft seksi në rrjetet sociale. Por fansat janë të fiksuar pas fytyrës së saj, e cila sipas tyre po pëson ndryshime për shkak të ndërhyrjeve estetike.

Në pozën e postuar në “Instagram”, 36-vjeçarja shfaqet duke pozuar “topless” në pjesën e sipërme teksa reklamon linjën e saj të veshjeve “Good American”. Gjithashtu ajo mban veshur vetëm një palë xhinse dhe flokët i ka lënë të lëshuara.

Por “Mirror” shkruan se fytyra e saj duket shumë ndryshe. Fotografia në fjalë vjen një javë pasi Khloe kishte publikuar në llogarinë e saj në “Twitter” disa foto për të cilat ishte shprehur se nuk kishte përdorur filtra dhe as i ishte nënshtruar ndërhyrjeve estetike.

Por pavarësisht kësaj, fansat sërish e kanë akuzuar për “dështim photoshop-i”.  “Sa herë që hap Instagramin, Khloe Kardashian duket gjithnjë ndryshe”, shkroi një ndjekës.