Ish-kryetari i  Lëvizjes Vetëvendosjes!, Visar Ymeri, ka folur për të kaluarën e tij me Lëvizjes Vetëvendosje!.

Tash anëtar i Grupit të Deputetëve të Pavarur, Ymeri ka rrëfyer për herë të parë se si deputetët arrinin ta fusnin brenda sallës së Kuvendit gazin lotsjellës, me të cilin pengoi shumë seanca dhe pamundësoi votimin e marrëveshjeve të rëndësishme.

Ai ka thënë se gazin lotsjellës e merrnin në rrugë kur Policia e Kosovës i gjuante në drejtim të tyre në protesta. Por kur u pyet se si i fusnin në Kuvend tha se në këpucë dhe në disa pjesë trupi ku sigurimi dhe Policia zakonisht nuk kontrollojnë. “Ajo është e vogël, në këpucë e fusnim. Dhe kishte raste në pjesë trupi ku nuk kontrollojnë. Ato janë shumë të vogla”, ka thënë  Ymeri në  “Oxygen”.