AC Milan është shumë afër transferimit të sulmuesit italian, Nicolo Zaniolo. Sipas “Sportmediaset”, sulmuesi 23-vjeçar është i vendosur për ta vazhduar karrierën e tij në Milano.

Tashmë Paolo Maldini, është në pritje të miratimit përfundimtar nga pronari i klubit kuqezi, Gerry Cardinale. Marrëveshja mes Milanit dhe Romës, pritet të jetë për një shifër totale prej 25 milionë euro.

Kërkesa e verdhekuqëve, fillimisht ishte me vlerë prej 35 milionë euro për të lënë të lirë Zaniolon, por mesa duket duhet të kënaqet me ofertën e Milanit. Ditët e fundit në afatin kalimtar për sulmuesin italian ka qenë dhe Tottenham Hotspur, por pa një ofertë zyrtare.