Sheshi i Prishtinës ka marrë pamje mahnitëse.

Kryetari i Prishtinës, Shpend Ahmeti, ka ndezur simbolikisht dritat për festat e fundvitit në sheshin kryesor të kryeqytetit.

Ahmeti tha se kjo është një prej periudhave më të mira të vitit, kur më fëmijë i ndezin dritat në sheshet e Prishtinës, raporton EkonomiaOnline.

“Sheshi tash është plot me drita. Për nja dy ditë hapet edhe tregu i fund-vitit, pasi që tash është bërë një atraksion çdo vjet”, ka thënë ai.

“Unë i thërras gjithë qytetarët jo vetëm të Prishtinës, që ta vizitojnë se më të vërtet duket bukur”, tha Ahmeti, i rizgjedhur edhe për një mandat në krye të Komunës.

Në ceremoninë simbolike, Ahmeti shoqërohej nga fëmijët e tij, si dhe fëmijë të tjerë prishtinas.