Elseid Hysaj me shumë mundësi do të vazhdojë te jetë pjesë e Napolit dhe rinovimi i kontratës është gati.

Mbrojtësi 26-vjeçar ka edhe një vit kontratë me Napolin, kështu që klubi duhet të marrë një vendim sa më shpejt për futbollistin në mënyrë që të mos e humbasë me parametra zero në fund të sezonit. Megjithatë sipas asaj që shkruan “CalcioNapoli24.it”, situata e mbrojtësit që shihej larg Napolit ku luan nga 2015, ka ndryshuar falë trajnerit Gatuzo.

Ky i fundit dëshiron ta ketë Hysajn në ekipin e tij dhe e ka bindur atë të rinovojë kontratën. Tashmë palët janë optimistë për rinovimin e kontratës deri në vitin 2025.