Ish-kryeministri dhe lideri i Aleancës për Ardhmërinë e Kosovës (AAK), Ramush Haradinaj së bashku me kryetarin e Komunës së Deçanit, Bashkim Ramosaj, kanë bërë zbulimin e pllakës përkujtimore të shtabit lokal të UÇK-së në fshatin Lumbardhë të Komunës së Deçanit.

Haradinaj ka thënë se Kosova duhet t’i ruajë vlerat e luftës së UÇK-së. Ndërkaq kryetari i Deçanit, Bashkim Ramosaj ka theksuar se përgjithmonë do të jenë mirënjohës Ushtrisë Çlirimtare të Kosovës.