Në 20-vjetorin e rënies së dëshmorëve të kombit, Fehmi Lladrovci dhe heroinës Xhevë Krasniqi-Lladrovci, është bërë zbulimi i shtatores së tyre në Drenas.

Manifestimi është mbajtur në sheshin “Fehmi Lladrovci” në Drenas, ku morën pjesë përfaqësues të shtetit të Kosovës, Shqipërisë, të Maqedonisë dhe Luginës së Preshevës.

Fehmi Lladrovci dhe Xhevë Krasniqi-Lladrovci ranë heroikisht gjatë luftimeve me armikun më 22 shtator të vitit 1998 në malet e Qyqavicës.