Ish-deputeti i Kuvendit të Kosovës, Milaim Zeka, ka reaguar pasi Gjykata Themelore e Prishtinës e ka liruar nga akuza për mashtrim me viza.

Përmes një postimi në Facebook, Zeka ka thënë se kurrë gjatë jetës s’ka përjetuar “torturë më të madhe” se kjo.

Pavarësisht kësaj, Zeka ka falënderuar drejtësinë e Kosovës.

“Pas 5 viteve vuajtje shpirtërore, fizike, materiale, morale, sot, gjykata, nga një trup gjykues që vendosin mbi prova, e jo fjale rrugësh me ka shpallur të pafajshëm nga të gjitha pikat e akuzave: mashtrim me viza, shpërlaje parash, dhe shmangie nga tatimi! Faleminderit shumë të gjithë juve që besuat në pafajësinë time.  Kurrë në jetën time nuk kam përjetuar torturë më të madhe se sa kjo e këtyre pesë viteve! Faleminderit shumë!”, ka shkruar Zeka në llogarinë e vet në “Facebook”.