Presidenti ukrainas, Volodymyr Zelenskiy, ka ftuar shtetet aleate të bashkohen në një marrëveshje zyrtare që do të siguronte kompensim nga Rusia për dëmin që forcat e saj ushtarake kanë shkaktuar gjatë pushtimit të Ukrainës.

Zelenskiy, i cili thotë se Rusia po përpiqet të shkatërrojë sa më shumë infrastrukturën e Ukrainës, tha se një marrëveshje e tillë do t’u tregonte kombeve që planifikojnë akte agresive ndaj Rusëve që do të duhet të paguajnë për veprimet e tyre.

“Ne ftojmë vendet partnere të nënshkruajnë një marrëveshje shumëpalëshe dhe të krijojnë një mekanizëm që siguron që të gjithë ata që kanë vuajtur nga pushtimi rus të mund të marrin kompensim për të gjitha humbjet e shkaktuara”, tha ai në një deklaratë në rrjetet sociale.

Zelenskiy thotë se sipas një marrëveshjeje të tillë, fondet dhe pronat ruse në shtetet nënshkruese do të konfiskoheshin. Më pas ata do të drejtoheshin në një fond të posaçëm kompensimi.

“Kjo do të ishte e drejtë. Dhe Rusia do të ndiejë peshën e çdo rakete, çdo bombe, çdo predhë që ka gjuajtur ndaj nesh”, tha ai, shkruan “The Guardian”.