Rusia duhet të përballet me “dënim të drejtë” për pushtimin e saj në Ukrainë, ka thënë presidenti Volodymyr Zelensky në Asamblenë e Përgjithshme të OKB-së në Nju-Jork.

Në një video të regjistruar paraprakisht, udhëheqësi ukrainas bëri thirrje për krijimin e një tribunali të posaçëm lufte dhe të detajuar krimet e Rusisë.

Ai vendosi gjithashtu një “formulë” paqeje, duke përfshirë më shumë mbështetje ushtarake dhe për të ndëshkuar Rusinë në skenën botërore, raporton BBC.

Fjalimi i tij mori ovacione nga shumë prej të pranishmëve në seancë.

Në fjalën e tij hyrëse, Zelensky akuzoi Rusinë se ka shkaktuar “turbulenca katastrofike” me “luftën e saj të paligjshme”.

Ai foli në të njëjtën ditë që Presidenti rus Vladimir Putin thirri 300,000 rezervistë ushtarakë për detyrë, një veprim që shkaktoi protesta të rralla në rrugët e Rusisë.