Presidenti ukrainas Vlodimyr Zelensky këtë të premte ka deklaruar se Vladimir Putin vrau shefin mercenar Yevgeny Prigozhin. Mediat e huaja shkruajnë se ai nuk ka dhënë asnjë provë për pretendimin rreth vdekjes së themeluesit të Ëagner Group pas rrëzimit të aeroplanit të tij muajin e kaluar.

“Putini është i shfryrë  si njeri, si politikan. Fakti që ai vrau Prigozhin të paktën ky është informacioni që ne të gjithë kemi, jo ndonjë lloj tjetër – kjo gjithashtu flet për racionalitetin e tij dhe për faktin se ai është i dobët”, ka thënë Zelensky.

Ai tha se në Ukrainë “nuk kishim ditë zie” kur Prigozhin vdiq, duke thënë “për ne ky është një terrorist më pak”.

Ndër të tjera ai ka theksuar se morali i rusëve u shemb sepse u mbuluan me vagnerianët, nxituan përpara, nuk mund të ktheheshin më.

Kremlini ka thënë më parë se të gjitha shkaqet e mundshme të rrëzimit do të hetohen, duke përfshirë mundësinë e lojës së keqe.

Ai e quajti sugjerimin që Putin urdhëroi vdekjen e Prigozhin dhe njerëzve të tij një “gënjeshtër absolute”.