Deputeti i Lidhjes Demokratike të Kosovës (LDK), Armend Zemaj, ka akuzuar deputetët e Lëvizjes Vetëvendosje se po fshehin diçka të madhe, në lidhje me moskrijimin e Komisionit Hetimor.

“Mendoj se sa më shumë që po barrikadoni për moslejimin e këtij komisioni hetimor,  jo vetëm që po i ngritni dyshimet, por kam frikë se me të vërtetë po fshihet diçka e madhe. Nuk mund të bllokoni komisionet hetimore parlamentare në emër të inicimit të grupit të tematikës, sepse e bllokoni demokracinë”.

“Të jeni të vëmendshëm, sepse po bëheni pjesë, me qëllim apo pa qëllim, e ndonjë fshehje, e cila mund të jetë vepër penale apo e korrupsionit. Me këto bllokada nuk po dilni serioz as nuk po tregoni përkushtim për luftimin e të keqes”, ka thënë Zemaj..

Më tutje, Zemaj përmendur disa shprehje që nuk përkojnë fare me fjalorin e gjuhës shqipe.

“A jeni ju që në ditën e parë që keni ardhur në pushtet në Prishtinë, i keni dërguar në prokurori 70 dosje? Merrni dosjet e KEK-ut, e keni kryeshefen, e keni bordin, krejt janë nën logon e LV-së, dërgoni në prokurori. Pse po i lejoni me hy në parashkrim, pse po kërkoni Komision Hetimor? Merrni dhe dërgoni krejt dosjet e blerjes së energjisë elektrike, edhe me atë ‘Gen’- in, edhe me ‘Genox’-in, edhe me hamamoviqat e fazliqat e stanishiqat e rankoviqat e çoni në prokurori. E keni instrumentin, e keni pushtetin. Pse po kërkoni hetim parlamentar, zgjerim të kompetencës së hetimeve?”, ka thënë deputeti Zemaj.