Zemaj: Kosova, vend shembull për menaxhimin e pandemisë
10 janar 2021
| 23:08
Ministri në detyrë i Shëndetësisë, Armend Zemaj, përmes një postimi të bërë në faqen zyrtare “Facebook”, ka pasqyruar të dhëna të cilat flasin për menaxhimin e pandemisë në rajon.
Sipas kësaj tabele, Kosova del të jetë një nga shtetet me rastet më të pakta për nga numri i të infektuarve në 100 mijë banorë, po ashtu edhe të viktimave.
Këto të dhëna kanë dalë nga data 21 dhjetor deri më 3 janar 2021, të nxjerra nga Qendra për Parandalimin dhe Kontrollin e Sëmundjeve.
Postimi i Zemajt:
Kur flasim për menaxhimin e pandemisë, Kosova është vend shembull.
Faleminderit qytetarë për disiplinën dhe respektimin e rregullave anti Covid.
Të bartim maskën!
Të ruajmë distancën!
Të mbajmë higjienën!.