Në takimin e sotëm të Komitetit për Menaxhimin e Pandemisë, ministri në detyrë i Shëndetësisë, Armend Zemaj, ka falënderuar anëtarët e këtij komiteti duke theksuar suksesin e arritur falë kontributit të tyre të madh për përballimin me sukses të pandemisë.

Ai gjithashtu ka falënderuar edhe mediat që “kontribuan për informimin e drejtë dhe të vazhdueshëm të qytetarëve me rekomandimet tona dhe luftimin e virusit vdekjeprurës”.

“Do të vazhdojmë me intensitet të shtuar mbikëqyrjen rigoroze të masave anti Covid, andaj secili duhet të jemi në krye të detyrës. Të vazhdojë në mënyrë rigoroze të respektohen masat mbrojtëse nga të gjitha institucionet publike dhe private: Distanca fizike, përdorimi i maskave, dezinfektimi dhe ajrosja e lokaleve.
Jam krenar me punën tuaj anëtarë të Komitetit për menaxhimin e pandemisë, jam krenar me mjekët dhe infermierët tanë që janë heronj të ditëve tona”, ka thënë Zemaj.
.