Pas pranimit të donacionit me maska dhe rroba mbrojtëse nga Hungaria, ministri i Shëndetësisë, Armend Zemaj, ka folur për situatën me pandeminë në vendin tonë.

Ai ka thënë se masat janë duke u respektuar, sidomos pjesa e kufizimeve.

Ministri Zemaj ka bërë thirrje që grumbullimet e panevojshme të eliminohen, duke theksuar se qytetarët duhet ta shtojnë kujdesin në mënyrë që ta ulim infeksionin me ketë virus, raporton “Epoka e re”.

Ai ka thënë se spitalet janë mbingarkuar.

“Kemi një stabilitet të atij pragu të lakores, por ne duhet të kujdesemi. Spitalet tona dhe personeli shëndetësorë tash është i mbingarkuar nga rastet”, ka deklaruar Zemaj.