![](https://www.epokaere.com/wp-content/uploads/2021/01/zemaj-4.jpg)
Zemaj takohet me komandantin e KFOR-it, bisedojnë për vaksinën anti-Covid
27 janar 2021
| 14:42
Ministri në detyrë i Shëndetësisë, Armend Zemaj, ka takuar të mërkurën komandantin e KFOR-it, gjeneralmajor Franco Federici.
Zemaj ka thënë se në takim kanë biseduar për situatën epidemiologjike në vend, dhe përgatitjet që janë duke bërë për vaksinën anti-Covid.
“KFOR-i çdo herë ka qenë mbështetës i sigurisë, paqes dhe zhvillimeve pozitive në Republikën e Kosovës. Shëndetësia ka qenë po ashtu fushë në të cilën ata kanë ofruar përkrahje të madhe. Gjatë takimit të sotëm me komandantin e KFOR-it, gjeneralmajor Franco Federici, kemi diskutuar për situatën epidemiologjike në vend, përgatitjet që po bëjmë për vaksinën anti Covid dhe vaksinimin e qytetarëve sipas planit të imunizimit”, ka bërë me dije Zemaj.