Sekretari i Përgjithshëm i Lëvizjes për Bashkim (LB), Avni Klinaku, ka thënë se ndarja në vija etnike është zgjidhja e vetme që duhet të bëhet në mes të Kosovës dhe Serbisë. 

Në këtë intervistë dhënë për gazetën “Epoka e re”, ai ka theksuar se Presheva, Bujanoci dhe Medvegja duhet t’i bashkohen Kosovës, kurse Leposaviqi, Zveçani dhe Zubin Potoku t’i bashkohen Serbisë. 

Klinaku ka deklaruar se arritja e marrëveshjes Kosovë – Serbi është e pashmangshme, por mund të vonohet deri në vitin 2020. 

Kurse sa i përket taksës ndaj produkteve serbe, Klinaku ka thënë se ajo duhet të mbetet në fuqi mirëpo, sipas tij, nuk duhet të lidhet me çështjen e njohjes.

(Intervistën e plotë mund ta lexoni në numrin e sotëm të gazetës “Epoka e re”)