Klubi i futbollit, Llapi ka njoftuar se ka arritur marrëveshje për zgjatjen e kontratës së Mentor Zhdrellës.

Zhdrella ka nënshkruar kontratë një vjeçare me klubin llapian. Këtë e ka bërë të ditur Klubi i Llapit nëpërmjet rrjeteve sociale.

“Kapiteni Mentor Zhdrella vazhdon bashkëpunimin me Llapin edhe për një edicion tjetër, Jo më kot thonë se futbolli krijon familje. E sot kemi kënaqësinë t’ua kumtojmë lajmin se kapiteni Mentor Zhdrella është përsëri pjesë e familjes bardhekaltër. Pas 4 vitesh bashkëpunimi (2017-2021), kapiteni me 100 paraqitje, 20 gola e 30 asistime, do të jap kontribut për ekipin e vendlindjes edhe në vitin e 5-të me radhë. Pas konsulltave me Presidentin, Beqir Batatina, kapiteni Zhdrella i rikuperuar plotësisht nga lëndimet do vazhdoj t’i prij skuadrës drejt sukseseve”, thuhet në njoftimin e plotë të Llapit.