Shefi i grupit parlamentar të Partisë Demokratike të Kosovës (PDK), Abelard Tahiri, ka thënë se zhdukja e mostrave të Astrit Deharit është produkt i Qeverisë Kurti.

Tahiri ka thënë se është e patolerueshme heshtja e qeverisë për këtë rast.

“Produkt i qeverisjes tuaj është edhe zhdukja e mostrave të Astrit Deharit. Kjo është e patolerueshme se si heshtni ju dhe merrni mbështetje keqbërësit, kryesit e kësaj vepre”, ka thënë Tahiri në Kuvendin e Kosovës.

Më tutje, ai ka paralajmëruar se PDK-ja s’do të marrë pjesë në asnjë votim.

“Prandaj ne si grup parlamentar i PDK-së nuk do t’ju mbështesim në asnjë rrethanë, në asnjë votim, në asnjë marrëveshje ndërkombëtare, në asnjë projektligj. Angazhimi jonë do të jetë që kjo legjislaturë të marrë fund sa më shpejt, të shkojë në shtëpi sa më shpejt, mandate t’ju kthehet qytetarëve dhe të shkohet në zgjedhje sa më shpejt”, ka thënë Tahiri.