Humb në rrethana misterioze Rudolf Elezoviç, ish-shef i policisë së Ulqinit.

Elezoviq ka humbur çdo kontakt me familjen prej 27 majit, në kufirin mes Shqipërisë dhe Malit të Zi, në zonën mes fshatrave Pentar dhe Reç.

Kontaktin e fundit e ka pasur me një të afërm të tij mbrëmjen e 27 majit, ku priste një person në afërsi të zonës së Pentarit në lumin Buna që ta transportojë me varkë në anën e Malit te Zi dhe nga ai moment ka humbur çdo kontakt.

Ai mësohet se kohët e fundit ka punuar në sektorin e Antitrafikut në policinë e kufirit të Malit të Zi.

Humbja e tij ka ngritur në këmbë edhe policinë shqiptare ku mësohet se në bashkëpunim kanë qenë duke hetuar trafikun dhe goditjen e trafikut në dy anët e kufirit.

Mësohet se Rudolf Elezoviç ka kaluar kufirin  mes Shqipërisë dhe Malit të Zi disa herë kohët e fundit, në bazë edhe të marrëveshjeve dy palëshe