Zhegrova në garë me Messin për golin e muajit (video)
Edon Zhegrova ka realizuar një gol fantastik gjatë muajit prill në Ligue 1.
Ylli i Kosovës ishte inkuadruar në lojë në pjesën e dytë dhe e kishte gjetur një gol të rrallë në ndeshjen e ekipit të tij, Lille ndaj Angers, duke e barazuar rezultatin.
Dhe, goli i përfaqësuesit kosovar është futur në garë për t’u zgjedhur si më i miri i muajit prill.
Ish-futbollisti i Baselit, i cili është transferuar në janar në kampionatin francez, është në garë me yllin argjentinas, Lionel Messi, i cili po ashtu ka realizuar një gol spektakolar për Paris Saint-Germainin muajin e kaluar.
Ylli i Kosovës dhe ai argjentinas janë favoritë për ta fituar këtë çmim prestigjioz, i cili ndahet çdo muaj në Ligue 1.
Zhegrova i ka realizuar dy gola deri tash me ekipin francez, ndërsa spekulohet se interesim për të ka shfaqur Arsenali.
Il est temps d'élire le #ButDuMois d'avril ⚽️🔥
✓ Martín Satriano (@SB29)
✓ @IbraSteven (@FCMetz)
✓ Edon Zhegrova (@losclive)
✓ @sosoboufal19 (@AngersSCO)
✓ Lionel Messi (@PSG_inside)— Ligue 1 Uber Eats (@Ligue1UberEats) May 4, 2022
