Nesër në mbrëmje zhvillohet gjysmëfinalja e parë mes Real Madridit dhe Chelseat në Ligën e Kampionëve.

Trajneri Zinedine Zidane ka thënë se kjo ndeshje nuk është aspak e lehtë për skuadrën e tij.

“Është një ndeshje shumë e rëndësishme dhe duam të paraqitemi sa më mirë. Nuk do të jetë aspak e lehtë, pasi Chelsea është një skuadër që sulmon dhe mbron shumë mirë. Duhet të jemi të kujdesshëm në mbrojtje dhe të shfaqemi të rrezikshëm në ofensivë. Duhet versioni më i mirë i Realit. Nuk zgjedhim mes kampionatit dhe Ligës së Kampionëve, jemi në garë në të dy kompeticionet. Kemi kaluar shumë vështirësi, por ia kemi dalë t’i lëmë pas krahëve problemet e hasura”, ka thënë Zidane.